Hawa pe likhay hain jo sandaisay pahunch na paayen to maaf karna

Hawa pe likhay hain jo sandaisay pahunch na paayen to maaf karna,

Wafa ki raah mein Qadam hamarey jo dagmagayen to maaf krna..

Zamanay bhar se tumhari khatir larrain gay hum, par meri jaan;

Anna k aagay meray iraaday jo sar jhukayen to maaf krna..

Tumhari sachaaiyon pe humdam yaqeen-e-kamil hai mera Qaaim,

Magar ye Paas-e-wafa k bandhan jo toot jayen to maaf krna..

Wo khud hi furqat k beej bona, rula k mujh ko phir sath rona,

Bhula to do gay yaqeen hai phir b wo sub satayen to maaf karna..

Baja k moujein hain shoq-e-sangdil milay ga ik din nishan-e-manzil,

"FARAZ"sahil pe khud kinaarey hi doob jayen to maaf krna...!