Umer Beet Jati Hai

Rabte k banane mein umer beet jati hai
Faslay simatne mein umer beet jati hai

Toot kar bikharne mein der kitni lagti hai
Aur phir simatne mein umer beet jati hai

ek attal haqiqat hai kis kadar haseen dhoka
zindagi samajhne mein umar beet jati hai

jo anna ke raston pe door tak nikal jain
un ke phir palatne mein umer beet jati hai

raah mein bichharr jaye wo jo hamsafar kaisa
us ko yaad karne mein umer beet jati hai

jab ganwa diya us ko tab humne jana hai
dil ki baat kehne mein umer beet jati hai